الثلاثاء، 18 يناير 2011

شرح الطاقيه البناتي من أعمالي



شرح الطاقيه البناتي من أعمالي


الكاب ده من شغلي
الاول نعمل سلسله عددها 8 ونقفلها بمنزلقة ونعمل الحشو عواميد ولما يخلص السطر نقفله بمنزلقة والسطر التاني بنشتغل عامودين في الغرزه الوحده لحد ما السطر ينتهي ,, تالت سطر بنشتغل غرزة عمودين والغرزة اللي بعدها عمود لحد نهايه السطر ونستمر سطرين كمان علي نفس الشكل والسطر اللي بعد كده يبقي غرزه عمود واحده وبس لنهايه السطر والسطر ده هيقلل فبالتالي هيكنز الطاقيه عشان تاخد شكل الرأس والسطر اللي بعديه بنعمل سلسلتين ونسيب غرزتين وناخد الغرزه عمود عادي ونستمر كده كذا سطر لحد الطول المنشود وقبل ما نقفلها بحاول 4 سم بنبدء نغير في الالوان علي حسب رغبتك , ونعمل غرزة المنزلقه اللي هي لفتين بس ونكمل السطر والسطر اللي بعديه بلون تاني وبرده بنفس الغرزة وكذلك السطر اللي بعديه وبعدين نقفل الطاقيه
وبالبنسبه للوردات بنعمل سلسله ب5عماويد ونقفلها ونشتغل الحشو وبعدين السطر اللي بعديه بنعمل سلستين ونسيب غرزة وناخد اللي بعدها لنهايه السطر بتبقي عملت حوالي 6غرز مفرغين
السطر اللي بعديه بنشتغل 3 سلاسل في الفراغ ونقفلها بمنزلقه بتاخد الغرزه شكل الكرف ونكمل بقيت الغرز كده وتدي بتبقي ورقات الورده
وبعدين بنعمل وحده كمان ورده بلون تاني بنفس الطريقه بس اصغر شويه عشان في الاخر نركبهم علي بعض ونخيطهم في الطاقيه
ودي تبقي مقاس صغير للبنات الصغيره لو حبينا نعمل مقاس كبير بنكبر القرص بس وبعدين بنشتغل عادي
ويارب يكون الشرح سهل ومفهوم والتطبيق يبقي اسهل
ودي صورة الطاقيه اللي انا عملتها

الجمعة، 24 ديسمبر 2010

الشتا وعمايله مع أحلي لكاليك أطفال


























































اول دروس الكروشيه جراب البيبي


ده جراب البيبي والصور دي الموديل الاصلي مع تطبيقي له
.......
البدايه نعمل قرص سلسله 8 سلاسل ونقفلها بمنزلقه وبعدين نعملها بغرزة الحشو العمود هتبقي 16 غرز ونقفلها بمنزلقة السطر اللي بعدين نعمل عمودين في واحدونقفله بمنزلقة السطر اللي بعديه هنعمله غرزه عمودين في واحد واللي بعدها عمود واحد فقط ونستمر الي ان ينتهي السطر ونقفله بمنزلقة والسطر اللي بعديه هنعمله عمود واحد في كل غرزه ونكمل بقيت السطور لحد ما القرص يكبر بالحجم الي احنا عوزينه وبعد كده نبتدي نضيق عشان القرص ينحني يعني نشتغل غرزتين ونفوت غرزه لحد ما السطر ينتهي والسطر اللي بعديه نفس الحكايه
وبعد كده نشتغل عادي لحد ما تبدي تكبير نبتدي نزود كل غرزتين غرزه زياده لحد 3 سطور عشان نعمل الوسع اللي عوزينه
وبعد كده نطلع عادي من غير زيادات في الغرز لحد ما ناخد الطزل اللي يناسبنا
في النهايه بنجي من نص الجراب ونفوت غرزيتين ونطلع سطر جديد ونكمل عادي عشان تاخد الحرده اللي موجوده بالصوره وندخل الالوان اللي احنا عوزنها براحتنا
ملحوظه :
انا عملت في الموديل بتاعي توسيع وتضيق بسلالسل من الجوانب ده اللي تحب تسوع او تضيق
ويارب اكون افدتكم